ދުނިޔޭގެ ގުދުރަތީ 7 އަޖައިބު އަށް ވާދަކުރާ 28 ގައުމުތެރޭގައި ދިވެހިރާއްޖެ ހިމެނިފައިވާތީ ރާއްޖެއްށް ކެމްޕޭންކުރުމުގެ މަގުސަދުގައިއާއި ތިމާވެށްޓަށް އަހުލުވެރިކުރުވުމުގެ ގޮތުން ފާއިތުވި ހަފްތާބަންދުގައި ގދ ތިނަދޫގައި ޙާއްސަ ކެމްޕޭނެއް ކޮށްފިއެވެ. ޗޮކޯ ޖަމިއްޔާއިން އިސްނަގައިގެން މަތިދެކުނު ޕްރޮވިންސް އޮފީހާއި ގދ އަތޮޅު އޮފީހާއި ތިނަދޫ ޒުވާނުންގެ މަރުކަޒުގެ އިތުރުން ރަށުގެ އެހެން ޖަމިއްޔާތަކާއި އަދި ވަރަށް ގިނަ އަދަދެއްގެ ވޮލަންޓިއަރުންގެ އެހިގައި ހިންގުނު މިޙަރަކާތަށް ވަރަށްވެސް ބޮޑު ތަރުޙީބެއް ލިބިގެން ދިޔައެވެ.ތިނަދޫގެ ކުޅިވަރު ޕާކުގައި އިންޓަނެޓް މެދުވެރިކޮށް ވޯޓްދިނުމަށް ހިންގުނު މި ކެމްޕޭން ތެރޭގައި ތިމާވެށްޓާއި ގުޅުންހުރި ޑޮކިއުމެންޓްރީތައްވެސް ދައްކާފައެވެ.
މޫސުން ގޯސްވުމުގެ ސަބަބުން ގިނަދަތިތަކާއި ކުރިމަތިލާން ޖެހުނުކަމުގައިވިއަސް ތިނަދޫގެ "ޓޭކުނިކް" ބޭންޑްގެ މިއުޒިކްވެސް މިޙަރަކާތުގެތެރެއިން ފެނިގެން ދިޔައެވެ. މުޅި ޖުމްލަ 600 އަށްވުރެން ގިނައިން ރާއްޖެއަށް މިޙަރަކާތުން ސީދާގޮތުން ވޯޓްދެވިފައިވެއެވެ. އަދި މިއީ މަކަމުގެ ފެށުން ކަމަށާއި މި ކެމްޕޭން ކުރިއަށްއޮތްތަނުގައި އިތުރަށް ފުޅާކޮށް ހިންގޭނެ ކަމަށް ޗޮކޯއިން މަޢުލޫމާތުދެއްވިއެވެ.
މި ކެމްޕޭނުގައި މޯލްޑިވެސް ޓޫރިޒަމް ޕްރޮމޯޝަން ބޯޑުގެ އެހީތެރިކަމާއި ތިނަދޫ ދާއިރާގެ އިއްޒަތްތެރި މެމްބަރު އަލްފާޞިލް މުޙައްމަދު ޤަސަމްގެ އެއްބާރުލެއްވުން އެފަރާތުން ފާހަގަކުރެއްވިއެވެ. އަދި ރާސް މޯލްޑިވެސްގެ ވަރަށް ފުރިހަމަ އެއްބާރުލެއްވުމެއް ލިބިގެން ދިޔަކަމަށްވެސް ޗޮކޯއިން ފާހަގަކުރެއްވިއެވެ. މީގެ އިތުރުން ދިރާގާއި އަމިއްލަ އެހެންފަރާތްތަކުގެ އެއްބާރުލެއްވުންވެސް ލިބުނުކަމުގައި ޗޮކޯއިން މަޢުލޫމާތު ދެއްވިއެވެ.
Posts
4 comments:
good work...... dhen ekamaku niyazbe gamees haadha hudhey dho. konkahala dhonnakudi ehbbaa?
Excellent! Brilliant work done by chocos... Fantastic job. keep doing it more and more. This seems that many of thinadhu youth's are very talented to do such works. I hope to see many events done and finished successfully. All the BEST!!!
its sad, that head of dhiraagu thinadhoo operations is so reluctant to support CHOCO.
dhiraagu haadha kadaey dho!
Post a Comment
ތިޔަބޭފުޅުންގެ ޙިޔާލު ދެއްވާ... ޙިޔާލު ދެއްވާ އިރުގައި ދިވެހި ބަހުން ދެއްވުން އެދެވިގެންވެއެވެ. އަދި ނަން ހާމަކޮށްލެއްވުންވެސް ރަނގަޅުވާނެއެވެ. ޝުކުރިއްޔާ! - ހަވަރުއޮންލައިން ޓީމް