21 ޖޫން 1992 ގައި ގއ ކޮލަމާފުށީގައި "ސޮސައިޓީ ފޯ ކޮލަމާފުށީ ޔޫތު (ސްކައި) ޖަމިއްޔާ އުފެދުނު ފަހުން އެޖަމިއްޔާއިން މައިގަނޑުގޮތެއްގައި ބަލަމުން އައީ ރަށު އޮފީހާއި އަތޮޅުއޮފީހާއި، ކުރީގެ އެޓޯލްސް މިނިސްޓްރީއާއި، ކޮމިޔުނިޓީ އޯގަނައިޒޭޝަންސް ޑިވެލޮޕްމެންޓް ކައުންސިލާއި، އަދި ޔޫތު މިނިސްޓްރީއާއި ކަމާއި ބެހޭ އެކިއެކި ވުޒާރާތަކުން ރަށުގައި ހިންގާ ޕޮރޮޖެކްޓް ތަކުގައި އެފަރާތުން އެދޭ ކަންތައްތަށް ކޮށްދިމުމަށެވެ. "ބާރަކީ ގުޅުމެވެ." މޮޓޯގެ ދަށުން ޙަރަކާތްތެރިވަމުން އަންނަ ސްކައި ޖަމިއްޔާއަކީ މަތި ދެކުނު ޕްރޮވިންސްގައި ފާހަގަ ކޮށްލެވޭ ފެންވަރުގެ ޖަމިއްޔާއެކެވެ.
މިގޮތުން ސްކައިގެ ފަރާތުން ތަފާރު ދާއިރާތުކުން ފަނަނީ މީހުން ބިނާކުރުމާއި، ރަށުގެ އިޖްތިމާޢީ އަދި އުމްރާނީ ތަރައްޤީއަށް އެކި މަސައްކަތްކުރުމުގެ އިތުރުން ރަށުފެންވަރުގައިއާއި އަތޮޅު ފެންވަރުގައި ތަފާތު ކުޅިވަރުމުބާރާތްތައް ބާއްވާފައިވެއެވެ. މީގެ އިތުރުން ޤުރުޢާން ކިޔެވުމުގެ މުބާރާތާއި އެހެނިހެން ސަޤާފީ އަދި އަދަބީ ޙަރަކާތްތަކެއްވެސް ހިންގާފައިވެއެވެ.
މިކަންތައްތަކުގެ ތެރެއިއިން އެންމެ ފާހަގަކޮށްލެވެނީ ކޮންމެ އަހަރެއްގެ ތިމާވެށިދުވަސް ފާހަނގަ ކުރުމަށް ތަފާތު އެކި ޕްރޮގްރާމްތައް ރަށުފެންވަރުގައި ހިންގާފައިވާކަމެވެ. މިގޮތުން ގަސްއިންދުމާއި، ރަށުގެ ހޭޅިފަށް ސާފުކުރުމާއި، ރަށުތެރެ ސާފުކުރުން ފަދަ ކަންތައްތައް ކުރެއެވެ. އަދި ސިފައިންނާއި މިޖަމިއްޔާއާއި ގުޅިގެން ރަށުގެ ފަޅުގެ ފުންކޮށްފައިވާ ސަރަޙައްދާއި ފަޅުމަތިސާފު ކުރެއެވެ.
ޖަމިއްޔާގެ އަމިއްލަ އިޖްތިމާޢީ މަރުކަޒުން ޒުވާނުންނަށް ޙާއްސަ ޕްރޮގްރާމްތަކެއް ހިންގަމުންދާ ސްކައި ޖަމިއްޔާއަކީ މުޅި މަތިދެކުނު ޕްރޮވިންސުންވެސް ފާހަގަކޮށްލެވޭ ޙަރަކާތްތެރި ޖަމިއްޔާއެކެވެ. މިޖަމިއްޔާއިން މިހާރުވެސް ގއ ކޮލަމާފުށީގައި އެޖަމިއްޔާއިން ހަދާފައިވާ ކުޑަކުދިންގެ ޕާކް "ކުޑަކުދިންގެ ހިޔާ"ގެ އަޕްގްރޭޑް މަސައްކަތާއި، ޖަމިއްޔާގެ އިޖްތިމާޢީ މަރުކަޒާއި އެކޮމޮޑޭޝަން ބްލޮކްގެ މަސައްކަތުގެ އިތުރުން އެރަށު ބޯޅަ ދަޑުގައި ލައިޓް ހަރުކޮށް އިތުރަށް ތަރައްޤީކުރުމުގެ މަޝްރޫޢުތަކެއް ކުރިއަށް އެބަގެންދެއެވެ.
ކޮންމެއަކަސް މިފަދަ ޙަރަކާތްތެރި ޖަމިއްޔާތައް ޕްރޮވިންސްގައި ގިނަވުމަކީ ޕްރޮވިންސްގެ ތަރައްޤީއަށް ލިބިގެންދާނެ އިތުރު ހަލުވިކަމެކެވެ. އަދި ރައްޔިތުންނާއި ޖަމިއްޔާ ޖަމާޢަތްތަކުގެ ރޯލު މިއައްވުރެން ބޮޑުކުރުމަކީ މުހިންމުކަމެކެވެ. އަދި މިފަދަ ޖަމިއްޔާ ޖަމާޢަތްތަކަށް އެހީތެރިވުމަކީ ދެންތިބޭ އެހެންފަރާތްތަކަށްވެސް އެކަމުގެ ފައިދާ ލިބޭނެކަމެއްކަންކަށަވަރެވެ.
Posts
3 comments:
varah salhi. thi jamiyya akee hama misaaleh. thiyafadha jamiyya thah mi sarahadhdhugai gina kuran eba jehey! tharaggeege siraky rayyithunge ebbaarulevvun. ei sarukaarun kura kameh noon.
thiee hama faahaga kollevey varuge jamiyyaa eh. kolamafusheega masveringe dhuvas faahaga kurifaharau ingeyne ei kerey heevaagi baeh kan. keep it up
saaaabas... sky jamuyya ah adhahvvure fehi maadhamaa eh dhakkavaashi..aaaameeen
Post a Comment
ތިޔަބޭފުޅުންގެ ޙިޔާލު ދެއްވާ... ޙިޔާލު ދެއްވާ އިރުގައި ދިވެހި ބަހުން ދެއްވުން އެދެވިގެންވެއެވެ. އަދި ނަން ހާމަކޮށްލެއްވުންވެސް ރަނގަޅުވާނެއެވެ. ޝުކުރިއްޔާ! - ހަވަރުއޮންލައިން ޓީމް