ނޭވާލުމުގެ ނިޒާމަށްޖެހޭ ނުރައްކާތެރި ބައްޔެއްކަމަށްވާ އޫރުރޯގާ ނުވަތަ ސްވައިންފުލޫ އިން ރައްކާތެރިވުމަށް ތިނަދޫ ރީޖަނަލް ހޮސްޕިޓަލުން އަތޮޅު ފެންވަރުގެ ޙާއްސަ ޙަރަކާތްތަކެއް ހިންގުމަށް ތައްޔާރުވަމުން އެބަގެންދެއެވެ. މިގޮތުން އަތޮޅުގެ ރަށްރަށުގެ މަދަނީ ޖަމުޢިއްޔާ ޖަމާޢަތްތަކާއި އެހެނިހެން ކޮމިޓީތަކާއި ގުޅިގެން މި ނުރައްކާތެރި ބައްޔަށް ހޭލުންތެރިކުރުމުގެ ޙަރަކާތްތަކެއް ހިންގުމަށް ހަމަޖެހިފައިވާ ކަމަށް ތިނަދޫ ރީޖަނަލް ހޮސްޕިޓަލުން މަޢުލޫމާތުދެއްވައެވެ. އަދި މިޙަރަކާތްތަކުގައި ކުދި ބޮޑު އެންމެންގެ އެހީތެރިކަން ބޭނުންވާނެ ކަމުގައި ތިނަދޫ ރީޖަނަލް ހޮސްޕިޓަލުން އެދިލެއްވިއެވެ.
މި ބައްޔަކީ ނޭވާލުމުގެ ނިޒާމަށް ވައިރަސް އެއްކަމަށްވާ "އެޗް 1 އެން 1" ގެ ސަބަބުން ޖެހޭ ނުރައްކާތެރި ބައްޔެކެވެ. މިބަލިން ސަލާމަތްވުމަށް އަބަދުވެސް ސާފްތާހިރުވުމާއި ގިނަގިނައިން އަތް ދޮންނެވުމަށް ސިއްޚީ މާހިރުން އިރުޝާދުދެއްވައެވެ. އަދި މީހުން ގިނައިން އެއްވެ އުޅޭ ތަންތަނަށް ނުދިއުމާއި ބަލިމީހެއް އުޅޭތަނަކަށް ކޮންމެހެން ދާން ނުޖެހޭނަމަ ނުދިއުމަކީ މިބަލިން ރައްކާތެރިވުމަށް އެޅިދާނެ ފިޔަވަޅުތަކެކެވެ. އަދި ބައްޔާއި ބެހޭ މާޢުލޫމާތު އަބަދުވެސް ހޯދުމާއި މި ބައްޔާއިބެހޭގޮތުން ހެލުންތެރިވެ އަދި އެހެން މީހުން ހޭލުންތެރިކުރުވުމަކީ މި ބަލިން ރައްކާތެރިވުމަށް ކުރެވިދަނެ ކަންތަކެވެ.
Posts
0 comments:
Post a Comment
ތިޔަބޭފުޅުންގެ ޙިޔާލު ދެއްވާ... ޙިޔާލު ދެއްވާ އިރުގައި ދިވެހި ބަހުން ދެއްވުން އެދެވިގެންވެއެވެ. އަދި ނަން ހާމަކޮށްލެއްވުންވެސް ރަނގަޅުވާނެއެވެ. ޝުކުރިއްޔާ! - ހަވަރުއޮންލައިން ޓީމް