ހުވަދުއަތޮޅު ދެކުނުބުރީ ތިނަދޫގައި ހިންގެވުމަށް ހަމަޖެހިފައިވާ ކުނި ނައްތާލުމުގެ ޕްރޮގްރާމް، ރައީސުލްޖުމްހޫރިއްޔާ މުޙަންމަދު ނަޝީދު މިއަދު ހެނދުނު އިފްތިތާޙުކޮށްދެއްވައިފިއެވެ. މި ޕްރޮގްރާމް އިފްތިތާޙްކޮށްދެއްވަމުން ރައީސުލްޖުމްހޫރިއްޔާ ދެއްކެވި ވާހަކަފުޅުގައި، ތިނަދޫގައި ދުވާލެއްގެ މައްޗަށް ހައެއްކަ ޓަނު ކުނި އުފެދޭކަން ފާހަގަކުރެއްވިއެވެ. އަދި ރާއްޖޭގެ އެހެން ރަށްރަށުގައިވެސް ކުނި އުފެދޭ މިންވަރު މަދުނޫން ކަމަށާއި، ގިނައިން ކުނި އުފެދޭ ތަންތަނަކީ ކޮބައިތޯއާއި، މިކަމަށް ޙައްލެއް ހޯއްދެވެން އޮތް ގޮތަކީ ކޮބައިތޯ ބައްލަވަމުން ގެންދަވާ ކަމުގައި ވިދާޅުވިއެވެ.
ރައީސުލްޖުމްހޫރިއްޔާގެ ވާހަކަފުޅުގައި، ކުނި ގިނަވުމުގެ ސަބަބުން ޞިއްޙީ ގޮތުންނާއި، އެނޫން ގޮތްގޮތުންވެސް ދަތިތަކެއް ދިމާވާ ކަމަށާއި، ކުނި ނައްތާލުމުގައި ރަނގަޅު ނިޒާމެއް އޮންނަންޖެހޭ ކަމުގައި ވިދާޅުވިއެވެ. އަދި މާލޭގައި ކުނި ނައްތާލުމަށް ކުރެވުނު މަސައްކަތްތަކުގެ ތަޖުރިބާތަކުގެ އަލީގައި، ރަށްރަށުގައި މިމަސައްކަތްތައް ހިންގެވުމަކީ މުހިންމު ކަމެއް ކަމުގައި އެމަނިކުފާނު ވިދާޅުވިއެވެ.
ތިނަދޫ ކުނި ނައްތާލުމުގެ ޕްރޮގްރާމް، ރައީސުލްޖުމްހޫރިއްޔާ އިފްތިތާޙުކޮށްދެއްވުމަށްފަހު، ތިނަދޫގެ އުސްބިމާއި ތިރި ބިން ގުޅޭ ފެންބޮޑުވާ މަގުގެ ސަރަޙައްދަށް ޒިޔާރަތް ކުރައްވައި، އެތަން ބައްލަވާލެއްވިއެވެ. އަދި ތިނަދޫ ރީޖަނަލް ހޮސްޕިޓަލަށް ޒިޔާރަތް ކުރައްވައި ހޮސްޕިޓަލުގެ ކަންތައްތައް ހިނގަމުންދާ ގޮތް ބައްލަވާލެއްވިއެވެ.
ޚަބަރު: ޓީ ވީ އެމް
Posts
0 comments:
Post a Comment
ތިޔަބޭފުޅުންގެ ޙިޔާލު ދެއްވާ... ޙިޔާލު ދެއްވާ އިރުގައި ދިވެހި ބަހުން ދެއްވުން އެދެވިގެންވެއެވެ. އަދި ނަން ހާމަކޮށްލެއްވުންވެސް ރަނގަޅުވާނެއެވެ. ޝުކުރިއްޔާ! - ހަވަރުއޮންލައިން ޓީމް